KORONADAL CITY – Yara na sa kustodiya sa mga kapulisan ang isa sa mga ginatudlo nga driver sang pick-up truck nga nakabangga sa isa ka graduating pupil sa bahin sang National Highway, Brgy. Magon, Tantangan, South Cotabato sang Sabado sang aga.
Ginpahayag nga pormal nga nagsungka sa mga kapulisan ang wala pa ginhinglan nga persona agud nga klarohun ang iya nga kaangtanan sa nasambit nga aksidente.
Hustisya naman sa subong ang singgitan sang pamilya sang isa ka grade 6 pupil matapos nga mabiktima sang hit and run sa sa bahin sang National Highway, Brgy. Magon, Tantangan, South Cotabato.
Ini ang nangin pahayag ni Tatay Meng, amay sang biktima sa interview sang Bombo Radyo Koronadal.
Suno sa iya indi mabaton sang pamilya ang natabo kay Khurk bangud maga-gradwar na kuntani ini sa elementary.
Suno kay Tatay Meng, Mayo 25,2024 sang mamasada tani siya sang iya tricycle padulong sa Tacurong City, nakit an niya si Khurk kag iya mga abyan nga padulong sa flowing, ginhapitan niya ini kag nag-park siya pinakakilid nga parte sang kalsada, para hatagan sang kwarta apang gulpiyado na lang nga may nagpadulong nga Black nga DMAX.
Sa impact sang nasambit nga salakyan, nagtabog si Khurk sang 10 meters. Dalaganan pa tani ni Tatay Meng ang iya bata pero natalupangdan man ini nga naigo man gale siya salakyan nga nag-resulta sang pagkapilas kag pagka-fracture sang wala sini nga tiil.
Padayon gyapon nga nagasinggitan ang pamilya ni Khurk sang hustisya.
