KORONADAL CITY – Patay ang isa ka lalaki makaligad nga nagpanaya ini sang armas sa isa ka purok chairman makaligad nga nagbato ini sa mga otoridad sa Purok Relocation, Barangay Palian, Tupi, South Cotabato.
Sa interbyu sang Bombo Radyo Koronadal kay Police Lt. Jomarie Diaz, Deputy Chief of Operations, TUPI MPS, ginkilala ang napatay nga si Jomar Calamonggi Engid, 36-anyos, may asawa, kag residente sang nasambit nga lugar.
Sandig sa mga otoridad, nagpadulong sa ila nga Police Station ang Purok chairman sang Sitio Abdul, Barangay Palian, Tupi nga si Montaser Abdul kag ginreport nga gintayaan ini sang armas ni Engid.
Gilayon naman nga nagresponder ang kapulisan gud nga beripikahon ang report apang pag-abot sa nasambit nga lugar nagpalupok sang armas ang suspek sa mga nagresponder nga mga pulis.
Naigo sang bala ang nawala nga bahin sang tiil sang isa ka pulis nga nagduso sa ila nga magbalos kag luthangon ang suspek.
Bangod sini, nakaangkon sang igo sang bala si Engid nga nangin tunaan sang iya pagkapatay apang ang pilason nga pulis ang gilayon nga gindangat sa balay bululngan para sa nagakaigo nga medikasyon.
