KORONADAL CITY – Gin-athag ni Pamplona Mayor Janice Degamo, biyuda ni the late Negros Oriental Governor Roel Degamo nga luyag man sini nga madayon ang Barangay kag Sangguniang Kabataan elections subong nga tuig 2023.
Ini ang ginpahayag ni Mayor Degamo sa eksklusibo nga interview sang Bombo Radyo Koronadal.
Suno kay Degamo, kalakip siya sa siyam (9) ka mga chief executives sa Negros Oriental nga pabor sa pagpaiway sang Barangay kag Sangguniang Kabataan eleksiyon sa bulan sang Oktubre apang isa ukon duha ka bulan lamang.
Kinahanglan sa gihapon nga idayon ang eleksyon bangud madugay na nga wala nadayon bangud sa masami nga pagpaiway sini.
Ang luyag lamang suno pa sini nga masiguro ang peace and order sa ila nga lugar kag malikawan liwat ang pagluntad sang anuman nga kalakasan.
Samtang, naghatag naman sang paglaum sa ila nga pamilya ang pagpaguwa sang Resolution no. 43 sang Anti terrorism council nga nagadeklarar nga terorista ang Teves group lakip na si suspended 3rd District Negros Oriental Congressman Arnulfo Teves kag ang utod sini nga anay gobernador sang nasambit nga probinsiya.
Nagalaum naman si Degamo nga mahatagan ang ila nga pamilya sang tsana nga makuha ang hustisya sa kamatayaon sang iya bana kag sang iban pa nga nagbuwis sang kabuhi bangud sa nagluntad ngaPamplona massacre.
