KORONADAL CITY – Padayon ang pagpang-awhag sang Commission on Elections sa mga luyag magparehistro kag magpartisipar sa Barangay kag Sk election nga indi na pag-hulaton ang deadline sa Hulyo 23 sini nga tuig.
Ini ang ginpahayag ni Atty. Jay Gerada, Provincial Comelec Supervisor sang South Cotabato sa interview sang Bombo Radyo Koronadal.
Suno kay Atty. Gerada, wala na sang extension pa nga igahatag ang comelec bangud kinahanglan pa ini nga aprubahan sang election registration board.
Apang, wala man daw sang problema diri sa probinsiya bangud sa ila monitoring madamo ang nagaparehistro.
Sa tion nga magtakop na ang deadline sa Biyernes, dako ang posibilidad nga magtaas ang numero sang Voters Registrants sa bug-os nga probinsiya.
Samtang, sa isyu naman sang pagpaiway ukon postponement sang election, wala pa sang komento ang opisyal.
Suno sa iya, nagasunod lamang sila sa mandatu sang central office at kun may bag-o nga layi na nga maaprubahan sa pagpaiway sang eleksiyon.
Sa subong, nagapabilin ang ila preparasyon sandig sa Calendar of events sang Comelec..
