KORONADAL CITY – Overwhelmed kag halos wala sang sudlan sang kalipay ang ginikanan ni 1CL Krystlenn Ivany Quemado, Class Valedictorian sang BAGSIK- Class of 2022 sang Philippine Military Academy sa nabaton nga mga pagkilala is aka adalw antes ang pagtakop sang academya.
Ini ang ginpahayag ni Dr. Loveleih Quemado, iloy ni 1CL Quemado sa eksklusibo nga interbyu sang Bombo Radyo Koronadal.
Suno kay Dr. Quemado, indi niya mapaathag ang kalipay sa dungog nga ginhatag sang bata sini ilabi na sa tuman kadamo nga mga pagpanginbulahan sa ila.
Subong nga adlaw pormal na sini nga ginbaton ang napulo ka mga plaque nga ginalakipan sang Spanish Armed Forces Award, Agfo Award, Academic Group Award, Humanities Plaque, Management Plaque, Social Sciences Plaque , Navy Professional Courses Plaque kag iban pa.
Dugang pa ni Dr. Quemado,sa sulod sang pila ka adlaw nga yara sila sa mga pagtililipon nga ginpatigayon sa PMA nakita niya kung ano kadako ang bugal nga ginhatag sang iya bata.
Nahibaluan nga si Dr. Quemado ang Dean sang College of Arts and Sciences sang NDMU samtang ang bana sini nga Col. Nicolas Quemado ang nag-gradwar man sa PMA Class 1993 kag naka-assigned subong sa Office of the Inspector General, Philippine Army.
