KORONADAL CITY – May pila ka mga pinoy nga yara subong sa Ukraine nga mas ginpili na lamang nga magpabilin sa nasambit nga pungsod sa pihak sang delikado nga sitwasyon bangud sa padayon nga pag-atake sang Russian forces.
Ini ang ginpakigbahin ni Joy Fernandez Tolentino, Bombo International Correspondent sa Ukraine sa interview sang Bombo Radyo Koronadal.
Suno kay Tolentino, indi man tanan nga mga pinoy ang luyag maghalin sa Ukraine, kasubong sa iya nga nagapabilin sa poder sang mga employer sini apesar nga may yara sang ginatanyag nga repatriation ang Pungsod.
Aminado si Tolentino nga nabalaka sila nga madulaan sang trabaho bangud sa tion suno pa nga magpuli sila, wala man sang may naga hulat nga ubra sa ila pag-abot sa pungsod.
Isa si Joy nga wala sang plano nga magpuli sa Pilipinas kag mas ginpili sini ang mag-upod sa iya employer nga nag-bakwit sa isa ka siyudad kag nagapabilin subong sa isa ka panimalay nga may basement para nga mangin luwas sa anuman nga pag-atake sang Russian forces.
Hugot naman nga nagapangabay ini nga buligan sila sa pagpangamuyo nga mauntat na ang giyera agud makabalik na ang tanan sa normal.
