KORONADAL CITY-Indi applicable ukon indi mahimo nga mangin balasehan sang konsepto sang “Freedom of Expression” sang mga private property owners sa tion sang campaign season ang kaso sang Diocese of Bacolod vs. COMELEC para nga balabagan ang Task force baklas sang COMELEC.
Ini ang nangin pahayag ni Atty. Myla Luna, PES-South Cotabato sa interview sang Bombo Radyo Koronadal.
Suno sa iya, madamo sang naga pahayag nga indi applicable ang mandato sang Comelec Resulotion 10730 ukon Fair Election Act sa diin magpangkuha sang mga campaign materials nga ara naka tapik sa sulod sang pribado nga propedad bangud may ara ang mga ini sang “freedom of Expression” , apang indi suno pa applicable ang Diocese of Bacolod vs. COMELEC case sa subong nga oplan basklas bangud ang Diocese of Bacolod vs. COMELEC nga case ang may kaangtanan sa ” advocacy campaign” kag indi pampulitika nga maathag nga indi maapply sa pag balabag sa ila nga operasyon.
Dugang pa sini, mahimo lamang nga maka tresspassing ang ila nga task force sa isa ka pribado nga propedad kun indi ang mga ini mag lisensya sa tag-iya kun mag pangkakas sang mga campaign materials.
Gin tagaan pa sini sang punto nga may 3-day notice sila nga ginapadala sa mga private property owners nga naga lapas sa ila nga guidelines agud nga kakason ang mga ini kag sa tion nga mapaslawan sila nga kakason ini, may ara sang penalidad nga ipahamtang ang COMELEC.
