KORONADAL CITY – Ginabulubanta nga yara sa 11 mil ka fully grown marijuana plants ang nabunot sa nadiskubrihan nga marijuana plantation sa bahin sang Sitio Asmakul-Basag, Brgy. Sinapulan, Columbio, Sultan Kudarat.
Ini ang ginkumpirmar ni Kath Abad, tigpamaba sang PDEA-12 sa interbyu sang Bombo Radyo Koronadal.
Suno kay Abad, ang nasambit nga mga marijuana ang nagabalor sang Php 2.2 million nga nabunot sang mga operatiba kaupod ang Columbio PNP.
Nakilala ang mga marijuana cultivators nga sanday alyas Vincent Estrada kag Virgel nga nakapalagyo matapos mahibaluan nga padulong na ang operating team.
Nahibaluan nga ginreport sang mga residente sa lugar ang makaduluda nga hulag sang mga suspek rason nga nagpatigayon sang operasyon ang mga otoridad.
Gilayon naman nga ginsunog ang mga nabunot nga marijuana agud indi na mapuslan pa.
