KORONADAL CITY-Ginpaklaro sang Securities ang Exchange Commission(SEC) Davao Extension ang alegasyon nga suno pa nagpangayo ang ila nga talatapan sang P50 million sa Mer’s Business Center para mahatagan ini sang secondary permit.
Sa eksklusibo nga interview sang Bombo Radyo Koronadal, hugot nga ginpanginwala ni Atty. Katrina Ponco-Estares, OIC Director sang SEC Davao ang alegasyon nga ginpahayag ni Roger Camingawan , Proprietor sang Mer’s Business Center sa isa ka pagsinapol.
Suno sa director, posible nga kalakip ini sa gina-require nga Authorized Capital sang SEC ang P50 million ang kinahanglan sa investment activities sang isa ka negosyo para masustain kag masiguro nga mabayaran sang mga kampanya ang mga investors kalakip na man ang nagkalain-lain nga requirements nga ipasa sa SEC kag wala ginapangayo sang ila nga talatapan para lang maka issue sang secondary license kun indi lakip ang mga iban pa nga kinahanglan nga rekisitos.
Dugang pa sini, ang head office lamang sang SEC kag indi ang Extension office ang naga issue sani nga permi sa ini nga sahi sang negosyo.
Aminado naman ang director nga rehistraso namana nga isa ka Grand Mers Lending Corporation sa ila nga talatapan apang lending ang aktibidad nga ginahimo snin kag indi investment nga may pay-out.
Sa subong , ginapanilagan sang SEC ang transaction sang Grand Mers Lending Corporation bangud sa madamo nga paglapas sini sa panuntuna sang SEC.
Ginpasiguro naman sini nga magapanabat ang mga tawo nga ara sa likod sang ini sa eskema sa tion nga mapamatud-an nga illegal ang ila nga aktibidad.
