KORONADAL CITY – Makahalawat-hawat na suno pa ang boto sa tunga ni Democratic nominee Joe Biden kag karibal sini nga si Republican president Donald Trump isa ka adlaw antes ang election results.
Ini ang ginpahayag ni Jesse Carpenter, isa ka Filipino-American sa Brunswick, Georgia sa eksklusibo nga interbyu sang Bombo Radyo Koronadal.
Suno kay Carpenter, neck-to-neck suno pa ang porsyento sang mga boto sa tunga sang duha ka kandidato sa pagkapangulo gani wala pa nahibaloan sa subong kun sin-o ang magapangibabaw sa adlaw sang piniliay.
Sa pihak sini nagalaum siya nga mangin malinong ang pagpatigayon sang piniliay buwas sang aga, oras sa Pilipinas.
Wala man ini nagpaulihi nga magsinggit sang Basta Radyo, Bombo.
Nahibaloan nga nagadalagan nga kongresista sa US Congress bilang independent si Carpenter, kun sa diin tumandok sang Koronadal City ang iloy sini.
