KORONADAL CITY – Temporaryo anay nga ginpauntat ang pag-function sang pila ka mga edipisyo bilang bilang covid-19 facilities bangud sa amat-amat nga pagnubo sang kaso sang covid-19 sa siyudad.
Ini ang ginpahayag ni City Health Officer Dr Edito Vego sa ginpatigayon nga pagsinapol, ginakonsiderar nila nga amat-amat nila nga ipaiway ang pag-function sang duha ka hotel kag isa ka buluthoan bilang quarantine facilities bangud sa amat-amat na suno pa naganubo ang numero sang kaso sang covid-19 sa siyudad.
Gani ila ginakonsiderar subong ang pag-abri sa pila ka mga edipisyo kag pasilidad agud amat-amat naman nga makabangon ang ekonomiya sang siyudad.
Ini bangud nagakaubos man ang pondo sang city government labi na sa paghatag sa mga panginahanglanon sang mga frontliners nga masobra 8 ka bulan na nga wala sang pahuway nga nagapakigbato sa nasambit nga pandemiya.
Padayon man ang panawagan sang opisyal sa mga pumuluyo nga tumanon ang minimum health standards agud padayon ang pagnubo sang trend sang covid-19 sa siyudad.
