KORONADAL CITY – Ang kasugtanan nga ideklarar nga persona non grata sang Patikul LGU sa Sulu ang Abu Sayyaf terror group (ASG) ang ginalantaw suno pa nga motibo sang Philippine Army agud magpatigayon ang lawless element group sang pagpangluthang sa Brgy. Igasan nga ginkapatay sang isa ka barangay peacekeeping action team (BPAT) member.
Sa interbyu sang Bombo Radyo Koronadal kay Lt. Col. Alaric delos Santos, ang tagpamaba sang Western Mindanao Command, ginpahayag sini nga ini suno pa ang sabat sang ASG sa ginhimo nga tikang sang local government unit sang Patikul batok sa ila.
Ginpasiguro man sini nga nagapatigayon na sila sang hot pursuit operations batok sa mga ini agud tigayon nga matapna ang terorismo kag kalakasan nga dala sang mga terorista.
Kun madumdoman nga nagaani lamang ang pamilya sa nasambit nga barangay sang hinali lamang sila nga ginpangluthang sang ASG nga nagresulta sa pagkapatay sang BPAT member nga si Tali Lakibul.
