KORONADAL CITY – Ginkumpirmar sang Integrated Provincial Health Office (IPHO) sang South Cotabato nga nakapagkit na ang siyudad sang Koronadal sang Koronadal sang sustained community transmission bangud sa covid-19 pandemic.
Ang sustained community transmission amo ang padayon nga pagdamo sang mga kaso sa isa ka lugar kun sa diin wala nakahibalo ang mga pasyente kun diin nila naangkon ang nasambit nga balatian.
Suno kay IPHO chief Dr. Rogelio Aturdido, sandig ini sa ginpatigayon nga pagtuon nga ginpatigayon sang Provincial Epidemiology and Surveillance Unit kun sa diin gintumod diri ang tatlo ka grupo nga ginalakipan sang: party group, fish vendors group, kag local hospitals group.
Wala suno pa sang travel history sa guwa sang probinsya ang mga pasyente ukon nakasulapo sa positibo nga kaso ang mga ini.
Sa pihak sang nasambit nga anunsyo, ginpaathag ni Aturdido nga ginbuyagyag ang nasambit nga datos indi agud magtuga sang kahadlok sa tawo, sa baylo usaron ini nga balasehan agud mangin preparado kag ipahibalo ang mga dapat himoon.
Kaangot sini, ila nga ginpahugtan ang panawagan sa mga tawo nga hugot nga ipatuman ang basic health protocols kag pagtuman sa mga pagsulondan agud malikawan pa ang paglapta pa sang pandemiya sa siyudad kag probinsya.
As of September 22, nakapagkit na ang siyudad sang Koronadal sang kabug-osan nga 149 nga kaso humalin sadtong Abril kun sa diin yara sa 98 nga kabug-osan nga aktibo nga kaso ang napagkit.
Tigayon nga nakarekober ang 49 halin sa nasambit nga balatian samtang duha naman ang napatay.
