KORONADAL CITY – Ginpasiguro sang Commission on Human Rights 12 nga magahatag sila sang cash assistance ukon ayuda sa pila ka mga biktima sang twin bombing sa Jolo, Sulu labi na sa mga internally displaced persons (IDPs) nga nakaangkon sang trauma bangud sa nasambit nga insidente.
Suno kay CHR-12 spokesperson Atty. Keyzie Gomez, nga ila nahangpan ang nabatyagan nga kahadlok kag kabalaka sang mga resaidente nga apektado sang nasambit nga panghilitabo.
Suno sa iya, nga sa bulig sang ahensiya pinaagi sa CHR BARMM nga magapanguna sa imbestigasyon sa makangilidlis labi na sa mga residente nga tuman nga naapektohan.
Dugang pa ni Atty. Gomez, nga ila pagasiguruhon nga mahatagan sang nagakaigo nga atensyon kag bulig ang nasambit nga mga apektado.
Kag sa tion nga magahatag na sila sang nasambit nga cash assistance, ila man pagasiguruhon na pagatumanon ang ginpatuman nga health protocols sang DOH agud malikawan ang paglapta sang virus.
