KORONADAL CITY – Gilayon nga ginpaidalom sa pre-emptive lockdown ang isa ka purok sa banwa sang Isulan, Sultan Kudarat makaligad ginbawian sang kabuhi ang isa ka manunudlo nga nagpositibo sa covid-19.
Base sa ginpaguwa nga datos sang Department of Health-12 (DOH), isa ka 61 anyos nga ginang ang napatay sa nasambit nga balatian kag kasamtangan nga ginaimbestigaran pa sang mga health officials ang history of exposure sini.
Apang nahibaloan nga wala sang travel history ang nasambit nga pasyente kag na-confine suno pa sa isa ka ospital sa isa ka siyudad sa probinsya antes nagtaliwan.
Sa subong nagapadayon ang contract tracing sa posible nga nakasulapo sang nasambit nga biktima.
Gilayon nga ginsapol sang lokal nga gobyerno ang COVID Task force sang probinsya agud masabat ang nasambit nga problema kag malikawan ang paglapta sang nasambit nga virus.
