KORONADAL CITY – Nagdangop sa Bombo Radyo Koronadal ang isa ka concerned citizen kaangot sa modus nga ginapatigayon sang pila ka mga
indibidwal angot sa social amelioration program sang DSWD.
Suno kay alyas Joshua, ginhatagan sila nga mga estudyante sang lehitimo nga mga SAP cards kag nagpila sa isa ka remittance company agud kuhaon ang P4,950 nga benepisyo kun sa diin ginabantayan sila sang lima ka lalaki.
Apang makaligad suno pa nila ini nga ma-claim ginahatag ang kadam-an sa mga ini sa isa ka babaye nga ginabulobanta nga 30 anyos ang edad kun sa diin P500 lamang ang ginahatag sa ila kag ginpahayag nga kuhaon na lamang sa Lutayan, Sultan Kudarat ang nabilin.
Ginpahayag sini nga nakahibalo siya nga mga kwalipikado nga mga benepisyaryo diri ang mga pigado nga mga pamilya kag wala sang obra gani tuman na lamang ang pagduha-duha sini sang ginabantayan sila sa pag-claim sang nasambit nga ayuda.
Sa subong nagapangayo ini sang bulig sa mga otoridad nga gilayon ini nga maaksyonan kag madakpan ang mga responsable.
