-- ADVERTISEMENT --
KORONADAL CITY – Yara na sa kustodiya sang mga health authorities ang nurse nga nagpalagyo sa quarantine facility sa siyudad sang Koronadal kahapon.
Sa interbyu sang Bombo Radyo Koronadal kay City Health Officer Dr. Editho Vego, na-apprehend si Rolyn Entano sa Sitio Pulatana, Brgy. Malandag, Malungon, Sarangani Province makaligad nga ginbalabagan sang mga otoridad ang iya salakyan.
Gilayon naman sila nga nagpatigayon sang rescue operation kaupod ang PNP kag ginkumusta ang nasambit nga nurse.
Suno kay Dr. Vego, anom ka oras nga wala ginpaguwa si Entano sa salakyan bangud ginakabig siya nga contaminated sa covid-19.
Sa subong plano nila nga magpatigayon sang imbestigasyon buwas agud makapahuway anay ang nurse.
