KORONADAL CITY – Ginakalipay sang North Cotabato provincial government ang tigayon nga pag-ayo sang isa ka 8 month-old nga nagabusong nga nurse sa siyudad sang Kidapawan.
Ini makaligad nagnegatibo sa ikaduha nga swab test result ang pasyente nga si PH 3671 sang Barangay Poblacion Kidapawan City.
Una nga nagpositibo sa Coronavirus Disease (Covid 19) ang pasyente nga may travel history sa pungsod Abu Dhabi, Singapore kag sa Davao City.
Nahibaluan nga nagpositibo man ang nurse nga bana sini sa Abu Dhabi apang nakarekober naman sa subong.
Ginpahayag ni Cotabato 2nd District Board Member Dr Philbert Malaluan nga lider man sang COVID-19 Provincial Inter-agency Task Force sa interbyu sang Bombo Radyo Koronadal nga cleared na ang nasambit nga nurse.
Nakaangkon man sang negative test result ang pamilya kag ang close contact ni PH 3671.
Nahibaloan nga nagpabilin sang kapin isa ka bulan si PH 3671 sa isolation facility kag pagka-discharge sini, magapaidalom pa siya sa dugang nga 14-day strict private quarantine.
