KORONADAL CITY – Tuman nga ginakasubo sang Tacurong LGU ang isa na naman nga medical frontliner halin sa ila lugar nga napatay bangud sa coronavirus disease.
Ini ang ginpahayag ni Dr. Giovannie Deles, ang city health officer sang nasambit nga siyudad sa eksklusibo nga interbyu sang Bombo Radyo Koronadal.
Kaangot sini, ginaproponer sini kay Mayor Angelo Montilla nga pagahatagan sang pagkilala ang lamharon nga doktor nga si Dr. Wilbur Jan Robert sa sakripisyo sini kag hatagan sang bulig ang mga nabilin nga pamilya sini sa Brgy. Poblacion.
Nahibaloan nga nag-volunteer lamang si Dr. Demafiles nga mag-obra sa Manila Doctor’s Medical Center kun sa diin ginbawian ini sang kabuhi bangud sa tatlo ka adlaw nga wala sang pahuway kag tulog bangud sa pag-atiman sa mga pasyente nga may covid-19.
Cardiac arrest naman ang ginatudlo nga rason sang pagkapatay sini.
Nahibaloan man nga pediatrician ang iya iloy kag may doktor man siya nga utod.
