NORALA, SOUTH COTABATO– Liwat nga nagpabatyag sa abyan ang brutal nga ginpatay nga OFW sa Kuwait nga si Jeanelyn Villavende, nga taga-Norala, South Cotabato.
Ini ang nangin pahayag ni Roda Magtulis, abyan ni Jeanelyn sa eksklusibo nga interbyu sang Bombo Radyo Koronadal.
Suno kay Roda, makapila nga beses sa gihapon nga nagpabatyag sa iya si Jeanelyn kag ginalauman suno pa sini nga istoryahon ang iya pamilya agud mahatagan ini sang hustisya.
Ginainsister man ni Roda nga bag-o siya nag pauli sa pungsod naghatag na siya sang pahayag sa Philippine embassy sa Kuwait kag ginpakigbahin ang iya sini nahibaluan kasubong suno pa sang ginhimo nga panglugos kay Jeanelyn.
Kaangot sini, magahalad na lamang sang misa si Roda sa abyan.
Samtang, indi na luyag pa pamati-an sang Pamilya Villavende ang mga ginapahayg ni Roda bangud masakit suno pa para sa ila nga wala man lamang sini ginbuligan nga mabuhi si Jeanelyn.
Ulihi na suno pa ang pagbuyagyag ni Roda kag indi na mabuhi pa si Jeanelyn.
Apang, nagpanindugan naman si Roda nga kabulig lamang siya sa Kuwait kag napalab-ot niya na sa Philippine embassy ang natabo kay Jeanelyn apang ginpaandaman ini nga maghipos na lamang agud indi maulamid sa kaso.
Samtang, nagapreparar naman ang amay ni Jeanelyn nga si Abelardo Villavende sa pagpadulong sa Kuwait sa Marso 25 agud magtambong sa una nga hearing sang kaso.
