Makilala North Cotabato gindalasa sang mabaskog nga hangin kag hailstorm

KORONADAL CITY- Gin-ulan sang ice ang pila ka barangay sa banwa sang Makilala, North Cotabato kahapon sang hapon.

Sa report nga ginpalab-ot sa Bombo Radyo Koronadal, madamo nga mga ice ang dala suno pa sang mabaskog nga pagbubo sang ulan kag mabaskog pa nga hangin kun sa diin pinaka-apektado amo ang Brgy Saguing.

Magluwas sa nagluntad nga hailstorm, nagkagabot man ang pila ka dalagkuan nga kahoy sa kilid sang dalan nga nangin rason sa pagka-angkon sang temporaryo ga trapiko.

Nagdugay suno pa sa halos 30 minutos ang pagbubo sang ulan apang suno naman sa PAG-ASA, normal lang ang pagulan sang ice kun may mga napagkit nga thunderstorm.