Alternatibo nga classrooms para sa mga estudaynte nga naapektuhan sang lindol, ginpatukod na sang DEPED 12

KORONADAL CITY- Nagapangita na subong sang temporary learning spaces ang Department of Education ukon DEPED 12 matapos nga maaepktuhan sang linog ang madamo nga buluthuan sa rehiyon.

Ini ang ginpahayag DEPED 12 Regional Director Dr. Allan Farnazo sa esklusibo nga interbyu sang Bombo Radyo Koronadal.

Suno kay Farnazo, gina-asikaso na nila ang mga posible nga lugar nga pagatukudan sang mga tents nga paga-usaron nga temporary classroom sang mga estudyante agud nga mahatag sa gihapon sa mga ini ang kalidad nga edukasyon sa pihak sang mga nabatyagan nga kalamidad.

Magluwas sini, ginpahayag man ni Farnazo nga posible nalang usaron ang modular system kun sa diin pagapadala-n ang mga kabataan sang mga activity sheets agud nga magpadayon sa gihapon ang ila pagtuon.

Sa subong, ginpasiguro man sang ahensya ang pagbulig sa mga kabataan agud nga makabangon sa tunga sang na-eskperyensyahan ng linog.

Nahibaluan nga yara sa 269 ang kabug-usan nga buluthuan nga napagkit nga totally damaged matapos ang asod-asod nga pagtay-og sa Mindanao.