KORONADAL CITY- Nagalaum ang mga nabilin nga himata sang mga biktima sang Maguindanao masscre nga indi sila pagpaslawon ni Supreme Court Chief Justice Diosdado Peralta sa pag-angkon sang hustisya nga madugay na nila ginalauman.
Sa interbyu sang Bombo Radyo Koronadal kay Justice Now Movement President Emily Lopez nga madamo na sang promisa sa pag-angkon sang hustisya ang wala nagtupa sa sulod sang pulo ka tuig.
Apang sa pihak sini, wala nagakadula ang ila paglaum nga ma convict na ang mga may kaangtanan sa krimen ilabi na ang prime suspect nga si former ARMM governor Zaldy Ampatuan sa pinakadako nga krimen batuk sa mga katapo sang media sa pungsod.
Kaangot sini, ginalauman nila nga igapagwa na ang promulgation sa kaso sa sulod sang 90 diaz humalin sang hulyo apisar wala pa sang nakatalana nga petsa.
Sa pihak sini nagpagwa man sang kalain sang buot ang pamilya sang Maguindanao massacre victims bangud nakagwa sa presuham si Ampatuan agud magpabulong nga wala sila ginpahibalo.
Nagakadapat na suno pa nga manabat si Ampatuan kag mga kaupdanan sini nga nagapangatubang sang Multiple murder case.
