KORONADAL CITY – Yara na sa luwas nga kahimtangan ang 29 ka mga empleyado sang pila ka pribado nga kumbyohan sa siyudad sang Koronadal kasunod sang mabaskog nga magnitude 5 nga aftershock nga nabatyagan.
Una sini, gindangat sa South Cotabato Provincial Hospital kag sa iban nga mga balay-bulolngan ang mga empleyado sang KCC kag Unitop makaligad nakaeksperyensiyar sang hyperventilation kag anxiety attack kahapon nga adlaw.
Suno kay PDRRMO Operations and Warning Officer Rolly Aquino, na-discharge na ang kadam-an sa ila makaligad gindangat sa balay bulolngan.
Apela man sini nga indi paglahog-lahogan ang mga aftershocks kag dapat magpabilin nga kalmado kun liwat mabatyagan ang mga pagtay-og.
Nahibaloan nga tatlo ka aftershock ang nabatyagan sang Koronadal sa sulod lang sang isa ka adlaw kun sa diin napagkit ang intensity 5 takna alas 5 kahapon, intensity 4 naman antes mag-alas 8, kag intensity 3.4 takna alas-8:20 kagab-i.Top
