KORONADAL CITY- Yara na sa luwas nga kahimtangan ang 4 ka mga construction workers matapos ang nagluntad nga pagtiphag sang isa ka taytay sa Brgy. Sta. Cruz syudad sang Koronadal.
Sa ginpalab-ot nga impormasyon sang BFP Koronadal sa Bombo Radyo, 4 ka indibidwal ang naluwas makaligad nga matabunan sang nagtiphag nga duta halin sa ginahimo nga kontruksyon sang Riprap sa kilid sang taytay sa Prk Masipag, Brgy Sta Cruz sa nasambit nga syudad.
Suno sa mga otoridad, ginahimo ang nasambit nga riprap agud nga mapunggan kuntani ang pagtiphag sang taytay kasunod sang Mag 6.3 nga linog.
Kadungan sini, gilayon naman nga nagresponder ang Phil Red Cross South Cotabato Chapter kag BFP Koronadal rason agud nga masalbar ang kabuhi sang mga biktima.
Sa karon, gin-abisuhan man sang mga otoridad ang publiko nga likawan anay ang pagbalik sa mga istruktura nga may mga napagkit nga litik makaligad ang natabo nga linog agud nga malikawan ang kasubong nga disgrasya.
