KORONADAL CITY- Napatay ang tatlo ka persona sa anti-drug operation sa probinsya sang Sultan Kudarat
Nakilala ang mga ginbawian sang kabuhi nga sanday Tato Dilangalen , Alano Sepi Usop kag Bigboy Sepi Usop, mga residente sang Purok 2 Brgy Sinakulay President Quirino Sultan Kudarat.
Suno sa report sang Sultan Kudarat Police Provincial Office nga ginraid sang PNP kaupod ang Philippine Drug Enforcement Agency (PDEA-12) base sa search warrant nga gin issue ni Judge Milanio Guerrero sang RTC 12 Judicial Region Branch 20 sang Tacurong city.
Ginsulod sang mga otoridad ang puluy-an sang mga suspek apang nagbato suno pa ini kag napatay.
Base sa mga otoridad narekober sang mga otoridad sa posisyon sang mga suspek ang isa ka .9mm homemade pistol, isa ka granada kag pila ka pakete sang shabu.
Gin-insister naman sang pamilya sang napatay nga wala ini nagbato kag ginpangluthang sang wala kaluoy sang raiding team.
Hugot naman sini ginpabulaanan sang mga otoridad kun sa diin una nga nagpalupok ang tatlo kag nagbalos na lamang sila sa mga suspek.
