KORONADAL CITY- Ginpakigbahin sang isa ka manunudlo sang Koronadal National Comprehensive High School ukon KNCHS ang mga madinuagon nga eksperyensya sini sa pagtudlo sa mga kabataan.
Kadungan sang selebrasyon sang World Teacher’s Day subong nga adlaw, ginpahayag ni Maam Meriam Anniversario nga ang pagtudlo ang tuman ka rewarding.
Nahibaluan nga 30 anyos na ini nga nagaserbisyo bilang isa ka manunudlo.
Nakatudlo ini sa mga estudyante nga yara sa first year kag second year high school kag Grade 7 sang nagbag-o ang curriculum tubtob sa nangin head na ini sang Home Economics Department sang KNCHS.
Passion na sini ang pagtudlo bangud palangga sini ang mga kabataan kag sa pihak sang mga pagtilaw nga iya masugata, kasubong sang madamo nga workloads kag pasaway nga mga estudyante, rewarding naman para sa kasubong sini nga manunudlo nga makit-an ang iya nga mga estudyante nga nangin successful ukon madinalag-on sa ila mga tagsa-tagsa ka career.
