KORONADAL CITY- Ginakabig nga milagro sang mga himata sang bata nga lalaki nga si Randave Ayupan ang iya nga kabuhi makaligad una na ini nga gindeklarar nga patay samtang naka-confine sa isa ka balay bululngan sa syudad sang Davao.
Sa interbyu sang Bombo Radyo Koronadal kay Rema Ayupan, lola sang biktima, ginpahayag sini nga nagaisahanon nga survivor sa pamilya Ayupan si Randave kun sa diin gindala ini sa Davao agud nga ipaidalom sa operasyon, apang una ini nga gindeklarar nga patay kag naglab-ot suno pa sa duha ka oras nga wala na nagaginhawa kag nagapanggit-om na ang kuko rason nga ginpreparar na lamang sang LGU Surallah ang Angel Car nga magasugat kuntani sa bata apang sa ila paghulat nagtawag liwat ang mga himata sini kag nagsiling nga liwat nabuhi ang bata.
Sa karon nagpanawagan ang pamilya Ayupan nga kuntani tigayon na nga makasurvive si Randave sa operasyon ilabi na kag yara sa kritikal nga kondisyon sa gihapon ini.
Madumduman nga kalakip sa 20 ka mga napatay ang mga ginhikanan ni Randave kag ang 1 ka utod nga babaye samtang 14 naman ang pilason.
