KORONADAL CITY- Gin-awhag ni South Cotabato second district representative kag Deputy Speaker for Mindanao Atty. Ferdinand Hernandez ang Office of the Presidential Adviser on the Peace Process (OPAPP) nga tapuson ang ila road project sa Brgy. Lamsalome, Tboli, South Cotabato.
Ini makaligad ang nagluntad nga madinuguon nga trahedya nga ginkapatay sang 20 ka persona kag ginkapilas sang 14 ka iban makaligad mahulog sa pil-as ang ila ginsakyan nga forward truck.
Sa interbyu sang Bombo Radyo Koronadal kay Deputy Speaker Hernandez, kulang sa road safety equipments ang nasambit nga dalan nga isa sa mga ginalantaw nga anggulo sa nasambit nag aksidente.
Magasulat suno pa ang mamalidha agud ipalab-ot kay Secretary Carlito G. Galvez, Presidential Peace Adviser on Peace Process nga lantawon ang nasambnit nga road project sa idalom sang Payapa at Masaganang Pamayanan o PAMANA program agud makumpleto ini kag indi na maliwat ang aksidente.
Nahibaluan nga ang nasambit nga road project ang kabahin sang pagbulig sang gobyerno agud mapasanyog ang pagpangabuhi sang mga anay rebelde nga Moro National Liberation Front o MNLF nga naga-istar sa nasambit nga lugar.
