KORONADAL CITY- Nagakadapat nga maging alerto sa gihapon apisar wala pa nakasulod ang balatian nga African Swine Fever ukon ASF sa rehiyon 12.
Ginpahayag ni National Meat Inspection Service ukon NMIS 12 Regional Director Myrna Habacon sa esklusibo nga interbyu sang Bombo Radyo Koronadal nga wala pa sang namonitor nga ASF sa mga hinuptan nga baboy sa SOCSKSARGEN Region apang hugot naman ang ginapatuman nga monitoring sang ahensya sa mga nagasulod nga meat products sa rehiyon.
Ginpahayag man ni Habacon nga wala sang bulong para sa nasambit nga balatian rason nga hugot ang kampanya sang ahensya nga dumilian ang arrivals sang mga smuggled meat products halin sa mga ASF Affected Countries.
Hugot man ang pagpatigayon sang quarantine measures agud nga mapunggan ang entry sang ASF sa rehiyon 12 ilabi na nga madamo na sang kaso sang nagkalamatay nga baboy sa Pilipinas ilabi na sa rehiyon 12.
Sa karon, ginahulat pa sang NMIS ang direktiba ni Department of Agriculture Sec William Dar nga indi pagpahanugutan nga magsulod sa rehiyon ang mga karne nga halin sa Luzon ilabi na halin sa mga lugar nga may napagkit nga kaso sang African Swine Fever.
