KORONADAL CITY- Ginpakigbahin ekslusibo sa Bombo Radyo Koronadal sang isa ka market guard nga isa sa mga survivors sa panibag-o nga pagpamomba sa Isulan, Sultan Kudarat ang naeksperyensyahan sini nga kahadlok sang magluntad ang pagsigabong.
Sa ekslusibo nga interbyu sang Bombo Radyo Koronadal kay Gng. Leonor Espeda, market guard, malapit lang ini sa blast site sa gwa sang Isulan Public Market sang gulpi na lamang nagsigabong ang ginapatihan nga Improvised Explosive Device o IED.
Nahadlok suno pa ini makaligad makit-an nga nagtabog ang magapark kun tani nga traffic enforcer nga si Terencio Cagadas bangud sa kabaskog sang impact sang pagsigabong kag napilasan man ang pila ka mga tawo nga yara sa palibot.
Bangud sa mabaskog nga pagsigabong, halos mabungol si Espeda kag nagtuga ini sang trauma sa iya.
Dugang pa sini nga dako nga palamangkutanon kun sin-o ang nagtanom sang bomba sa parking area sang mga motorsiklo sa public market sang Isulan bangud wala suno pa sila sang nakit-an nga makaduluda nga tawo nga yara sa area antes pa man ang pagsigabong.
Nahibaluan nga nadugayan pa antes ginsulod sang Explosive Ordnance Disposal Team o EOD team ang area bangud sa ginapatihan nga isa pa ka bomba nga posible magsigabong.
Yari naman ang mga pangalan sang mga biktima:
1.) Niño Virgo, 28, vendor, Brgy, Sampao, Isulan, SulKud
2.) Jaren Amigo, 24 laborer, Prk5. Brgy. Biwang, Bagumbayan, SulKud
3.) Jay Carnaso, 30 butcher, Brgy. Dansuli, Isulan, SulKud
4.) Jomar Aquino, 31 CAFGU member, Isulan Sulkud
5.) Gerald Cartagena, 28 baker, Brgy. Little Baguio, Surallah, SoCot
6.) Nasim Gulano, 25, businessman, Brgy. Kalawag I,Isulan, SulKud
7.) Terencio Cagadas, 35, Traffic Enforcer, Brgy. Kalawag II Isulan, SulKud
8.) Leonor Espeda, Market Guard, Isulan SulKud
