KORONADAL CITY – Wala nakaluwas sa mga mata sang traffic enforcers ang mga government vehicles nga ginpangista sa una nga adlaw sang pagpatuman sang traffic rules and regulations sang Koronadal City Road Safety and Traffic Management Office.
Sa interbyu sang Bombo Radyo Koronadal kay Traffic Management Officer Roel Bagonoc, nasampolan sang mga traffic enforcers ang isa ka barangay patrol vehicle nga ilegal nga nakaparada sa “no parking area” malapit sa isa ka fastfood chain kag wala suno pa sang may mapakita nga lisensiya.
Ginasiling nga ginapanag-iyahan suno pa ini sang Brgy. Reyes sa banwa sang Banga, South Cotabato rason nga nakig-angot sila sa barangay kapitan kag ginhatagan sang penalidad ang nasambit nga driver.
Nahibaloan nga isa lamang ang nasambit nga patrol vehicle sa mga ginhatagan sang leksyon sa ginapatigayon nga operasyon sang talatapan agud dakpon ang mga colorum nga mga tricycles suno sa mandato ni Pangulong Rodrigo Duterte nga tinloan ang mga major roads sa Pilipinas kag kakason ang mga road obstructions agud masolusyonan ang problema sa trapiko.
