KORONADAL CITY- Pormal na nga nagpungko ang bag-o nga hepe sang Koronadal City PNP subong nga adlaw.
Nahibaluan nga ang newly appointed Koronadal City PNP chief amuh ang anay hepe sang Tacurong City PNP nga si Police Lieutenant Colonel Joefel Siason nga magatal-os kay Police Lieutenant Colonel Rey Egos.
Samtang kaangot sini si POLTCOL Egos naman ang magabulos kay POLTCOL Siason sa Tacurong City PNP bilang bag-o man nga hepe.
Nahibaluan nga ang turnover ceremony ang gintambungan mismo ni Koronadal City Mayor Eliordo Ogena kag sang mga personnel sang Koronadal City PNP.
Kasubong nga indi naman bag-o para kay Siason ang adjustment sa Koronadal bangud dire ini naghalin.
Samtang nagalaum ang bag-o nga hepe sang Koronadal City PNP nga magbinuligay ang tanan nga katapo sini agud nga mapatuman ang peace and order sa siyudad.
Ginkalipay naman sini ang mainit man nga pagbaton sa iya sang mga Koronadaleños bilang bag-o nga hepe sang kapulisan sa siyudad.
