KORONADAL CITY- Nagapabulig sa karon ang isa ka Overseas Filipino Worker halin sa Estados Unidos makaligad nga wala na sini nabawi pa ang masobra P5 million nga investment sini sa Rigen Marketing kag Kabus Padatuon Community Ministry International Inc.
Sa ekslusibo nga interbyu sang Bombo Radyo Koronadal kay alyas Dale, 28 anyos nga residente sa isa ka banwa dire sa South Cotabato kag anum ka tuig na nga Overseas Filipino Worker sa US, naengganyo suno pa ini sang iya mga abyan nga mag invest sa Rigen kag KAPA.
Sa una naka invest anay siya sang P50,000 sa KAPA kag nakapay-our pa rason nga gindugangan naman niya ang iya investment nga nagsaka pa sa P2.5 million kag ginpatulog ang iya kwarta sa pagpati nga magatubo ini sang mas dako.
Wala pa gid ini nakuntento kag nag invest pa gid sang masobra 2.5 million sa isa pa ka investment scheme nga Rigen Marketing tubtob sa gin abtan na ini sang closure.
Sa karon nalumos ini sa problema bangud wala makahibalo kun paani pagabawion ang kwarta nga iya ginpangabudlayan sang malawig nga panahon.
