KORONADAL CITY- Nakapreso na sa karon ang duha ka mga holdaper sa syudad sang Tacurong makaligad maarestar sa ginpatigayon nga pursuit operation sang Tacurong City PNP kag Joint Task Force Talakudong kasunod sang ila pagpangholdap sa National Highway Brgy. San Pablo, Tacurong City.
Ginkilala ang mga nadakpan nga suspek nga sanday Ivan Madidis Pasandalan, 20 anyos , may asawa kag residente sang Brgy. Madidis Datu Paglas, Maguindanao kag Ernesto Datu-on Escalona, 28 anyos, single, self employed kag residente sang Prk. San Jose Brgy. San Pablo Tacurong City apang nakapalagyo naman ang isa pa ka suspek nga si Janel Mastura nga residente sang Barangay Malala Datu Paglas, Maguindanao.
Narekober sa mga suspek ang isa ka cellphone, kwarta kag kalibre 350 nga pistol.
Subong nga adlaw tigayon na ang mga ini nga ginpasakaan sang kaso.
