KORONADAL CITY- Nagapadayon sa gihapon ang imbestigasyon sang Koronadal City PNP sa nagluntad nga pagpatay sa asawa sang anay barangay kagawad sang Brgy. Topland syudad sang Koronadal.
Sa ekslusibo nga interbyu sang Bombo Radyo Koronadal kay Brgy. Topland kagawad Teotico Peliño, ginkilala ang biktima nga si Sheryl Cahapay, yara sa legal nga edad kag asawa sang anay barangay kagawad nga si Glen Cahapay.
Suno kay kagawad Peliño, natingala suno pa ang mga residente sa lugar nga wala pa nagbukas sang temprano ang tindahan sang biktima nga nakaandan na sini kag sang ginsulod ang puluy-an sini nasapwan na lamang ini nga duguan sa idalom sang higdaan kag may patimaan nga ginpukpok sang bote sa ulo.
Sa karon padayon pa ang imbestigasyon kag madamo nga anggulo ang ginalantaw kag isa suno pa sa gina imbestigaran ang isa sa mga himata sini nga wala pa ginhingadlan sang mga otoridad nga suspek sa pagpatay sa nasambit nga ginang.TopPost Reply
