KORONADAL CITY- Gina istoryahan subong ang pagkalutos sang opposition senatorial candidate nga si Bam Aquino sa isa ka banwa nga ginpangalan sa ila pamilya ilabi na sa tiyo sini nga si former Sen. Ninoy Aquino.
Sa nasambit nga piniliay nakakuha lamang ang re-electionist sang 3,772 votes sa nasambit nga banwa samtang nagpangina naman didto si Bong Revilla nga may yara sang 9,120 nga ginsundan ni Cynthia Villar nga may 7,935 kag Bong Go nga may 7,221.
Nahibaluan nga ginpangalan kay Sen. Ninoy Aquino ang banwa sang SNA nga anay man gintawag nga Kulaman nga ginpaboran naman sa idalom sang termino ni anay Pres. Cory Aquino apang ang nasambit suno pa nga lugar ang wala nabisita sang pamilya Aquino ilabi na ang mga na elehir sa national elective posts sa mga nakaligad nga tuig.
Nagdamo man suno pa ang bandido nga New People’s Army sa nasambit nga lugar sang tuig 2014 kag 2016 base kay anay 33rd IB commander Harold Cabunoc bangud sa kakulangan sang serbisyo para sa tribo sang Dulangan Manobo.
