KORONADAL CITY – Gintuman sang nalutos nga North Cotabato vice gubernatorial candidate ang iya promisa nga paglimpyo sa mga election paraphernalia kadungan sang pagtakop sang piniliay.
Ginpangunahan mismo ni incumbent provincial Board Member Socrates Piñol ang pagkakas sa iya mga campaign posters makaligad nag-concede sa iya kasumpong nga si incumbent governor Emmylou Mendoza.
Ginpasalamatan man sini ang iya masobra 200,000 supporters nga nagboto sa iya.
Ginpahayag sini nga padayon ang pagserbisyo sa iya ikasarang bilang isa ka sibilyan kun tapos na ang iya termino sa Hunyo 30.
Samtang, ginpahayag naman ni DENR-12 regional director Nilo Tamoria nga dapat tumanon sang mga pulitiko ang layi sa proper waste management.
Nagapanawagan man ini sa mga pumuluyo nga i-report ang mga election-related littering cases sa mga otoridad.
