KORONADAL CITY- Nagapangatubang sa karon sa kaso nga syndicated estafa kag carnapping ang 5 ka tawo nga may kaangtanan suno pa sa Rent a Car scam sa Cotabato City.
Suno kay NBI-BARMM Director Atty. Arnold Rosales, ginkilala ang mga suspek nga sanday Cassandra Sharijane Dinayugan, tag-iya sang Lahdin’s Trucking and Car Rental, Richard Dinayugan, Pancho Balawag, Concepcion Balawag kag isa ka Kandi Samuel.
Ginpahayag ni Rosales nga naglab-ot sa 152 katawo ang nabiktima sang nasambit nga mga suspek sa ila nga scam kag yara sa halos P150 milyon ang nakwa sa nga kantidad sa mga biktima.
Lakip suno pa sa mga nabawi sang Highway Patrol Group-BARMM sa nasambit nga rent a car scam amuh ang 5 ka bag-o nga hot cars sa Jolo Sulu.
Kadam-an suno pa sa mga naga-usar sang ginakabig nga kinawatan nga salakyan amuh ang mga opisyal sang militar, pulis, mga lokal nga opisyal kag mga negosyante.
Nahibaluan nga modus sang grupo nga nagkwa sang cash investment kag ginahimo nga kolateral ang mga salakyan nga gina-arkilahan.
Sa karon, ginahulat na lang sang NBI City Prosecutors Office ang ipagwa ang warrant of arrest sang korte batuk sa mga suspek.
