KORONADAL CITY– Ginreklamo sang isa ka babaye ang iya sini nga Ex-Boyfriend makaligad ang gina alegar nga pagpangsunog sa iya sini nga puluy-an.
Sa impormasyon halin sa Koronadal City PNP, ginkilala ang nagreklamo nga si Milyn Denaga Sion, 38 anyos, self employed kag residente sang Prk. Yellowbell Phase 1, Brgy. Zone 3, Koronadal City.
Base sa imbestigasyon, takna alas 11:45 sang gab-i sang nagpadulong suno pa ang dati sini nga nobyo nga ginkilala kay Jay-ar Faocbit sa iya nga puluy-an kag gulpi na lamang ginbubu-an sang gasolina ang iya nga ding-ding kag gintutdan ini tubtob nasunog.
Gilayon nga nagpalagyo ang suspek sakay sa motorsiklo sa wala mahibaluan nga direksyon.
Sa karun ginahibalo pa ang kabug-usan nga damyos nga gintuga sini.
Isa naman sa ginalantaw nga anggulo sa hana nga pagsunog amuh ang wala pa maka move on nga anay nobyo sang reklamante kag mga wala suno pa paghangpanay nga padayon pa gina imbestigaran.
