KORONADAL CITY – Nagapaayo subong sa South Cotabato Provincial Hospital ang isa ka katapo sang CAFGU makaligad nga ginluthang sa bahin sang Brgy. Tasiman, Lake Sebu, South Cotabato.
Ginkilala ang nasambit nga biktima nga si Rey Egol, 20 anyos, kag residente sang nasambit nga lugar.
Base sa imbestigasyon, papuli na ang biktima kagab-i halin sa iya duty sang ginbalabagan ini sang mga kalalakihan kag ginluthang.
Gilayon ini nga nagpangayo sang bulig gani nagpalagyo ang mga suspek antes ini nawad-an sang animo.
Nakaangkon si Egol sang igo sang bala sa iya sulok-sulok kag padayon pa nga ginaobserbahan sa provincial hospital.
Posible nga motibo nga personal grudge ukon mga miyembro sang New People’s Army ang mga suspek sa nasambit nga pagpangluthang.
