KORONADAL CITY- Nakarekober pa ang mga otoridad sang isa pa ka pipe bomb sa sulod sang Colombo International Airport sa Sri Lanka makaligad ang serye sang mga pagpamomba sa simbahan kag hotels sa Colombo.
Ini ang ginkumpirmar ni Bombo International Correspondent Narada Dissanayake ang tagpamaba sang Sri Lanka Freedom Party nga ginapamunuan sang kasamtangan nga presidente sang Sri Lanka nga si Maithripala Sirisena kun sa diin suno kay Dissanayake, makaligad ang madinuguon nga insidente, gilayon nga ginpaidalom sa State of Emergency ang bugg-os nga pungsod kun sa diin walo ka indibidwal ang gin arestar nga may kaangtanan sa pagpamomba.
Kaangot sini, isa ang Islamic State of Iraq and Syria o ISIS sa mga ginatudlo nga yara sa likod sang madinuguon nga pag atake nga gintawag man nga pinakamadinuguon nga religious attack sa pungsod.
Nahibaluan nga yara sa 290 na ang patay samtang yara naman sa 500 ang pilason kun sa diin 30 sa mga biktima ang mga foreigners nga naghalin sa England, Belgium kag Estados Unidods apang maswerte nga wala sang Pinoy nga nalakip.
