KORONADAL CITY – Nagapadayon ang hot pursuit operations sang militar matapos ang nagluntad nga engkwentro sa Sitio Macantal, Brgy. Olandang, Midsayap, North Cotabato nga ginkapatay sang isa ka high-ranking official sang terror group nga Bangsamoro Islamic Freedom Fighters (BIFF).
Sa impormasyon nga nakuha sang Bombo Radyo Koronadal, ginpalukpan sang ginapatihan nga grupo ni Mando Mamalompong alyas DM ang mga katapo sang 34th Infantry Battalion kag Midsayap PNP sang magaserbe ang mga ini sang arrest warrant sa nasambit nga lugar.
Isa ka suldado naman ang napagkit nga pilason sa nagluntad nga engkwentro.
Suno sa militar, isa sa mga napatay sa nasambit nga engkwentro si Mamalompong nga 2nd Division commander sang BIFF kag tagpamaba sa idalom sang Karialan faction; amo man si Nur Hamid Sabdulla alyas Tong.
Magluwas diri, narekober man ang pila ka mga armas nga ginalakipan sang isa ka M-16 rifle, isa ka M-14 rifle, mga magazine kag mga bala.
