-- ADVERTISEMENT --
KORONADAL CITY – Boluntaryo nga ginsungka sa kapulisan sang mga residente sang Barangay Tubeng banwa sang Tupi, South Cotabato ang ila indi lisensyado nga mga armas.
Ginpangunahan mismo ni Barangay Chairman Leonardo Pandat Jr. ang pagturn-over sang mga armas sa mga otoridad.
Ini ang ginalakipan sang isa ka kalibre 38, isa ka homemade shot gun kag tatlo ka jolen gun.
Nahibaluan nga kalakip man sa mga ginsungka ang duha ka indian pana kag isa ka patalom.
Sa subong yara na sa kustodiya sang Provincial Crime Laboratory Office sang South Cotabato ang nasambit nga mga armas para sa nagakaigo nga disposisyon.
