KORONADAL CITY – Nagpadulong sa Bombo Radyo Koronadal ang bana sang isa ka isa ka overseas Filipino workers (OFW) nga nagaobra sa Riyadh, Saudi Arabia agud maluwas ang iya ginamaltrato nga asawa didto.
Sa interbyu sang Bombo Radyo Koronadal kay Wilfredo Sialsa Jr., residente sang Isulan, Sultan Kudarat, ginpahayag sini nga masami suno pa nga ginasakit ang iya asawa nga si Wennijon Ampuyas sang iya agalon.
Magluwas diri, ginkumpiskar man ang iya anom ka bulan nga balor nga sweldo, pasaporte kag mga importante nga mga dokumento.
Ginpakigbahin man sini nga sa ila ulihi nga pag-istoryahanay nagasinggitana ng iya asawa kag nagapangayo sang bulig.
Sa subong tuman ang iya pagkabalaka kag luyag niya nga mapauli ang iya asawa.
Nahibaloan nga nag-umpisa nga mag-obra sa nasambit nga pungsod si Wennijon sadtong Setyembre 17 sang nakaligad nga tuig.
