KORONADAL CITY – Nagapadayon sa karun ang pag review sang mga otoridad sa CCTV footage sang nagluntad nga pagpasiggabong sang Improvised Explosive Device sa Brgy. Kalawag II, Isulan, Sultan Kudarat.
Ini ang kasunod sang naga gwa nga impormasyon nga napakuno-kuno suno pa nga mabakal sang letchon manok ang suspek nga nagbilin sang bag nga may unod nga bomba malapit sa gwa nga bahin sang restaurant.
Kaangot sang nasambit nga panghitabo, ginsaysay sa Bombo Radyo Koronadal sang mga survivors ang ila makaharadlok nga eksperyensya sang nagsigabong ang bomba kun sa diin pila sa pamilya Masundig ang naigo sang shrapnel sa tiyan, abaga kag may isa naman nga nabungol sa kabaskog sang paglupok sang bomba samtang base naman sa pamilya Malidas wala na sila nagdahom nga mabuhi pa bangud sa mabaskog nga pagsigabong kag mga naangkon nga pilas sa kalawasan.
Kun madumduman nga bag-o pa man ginpasigabungan ang nasambit na restaurant, makapila ka bes naman nga nakabaton sang threat ang nagapanag-iya sang kalan-an ka ginapangayuan sila sang P50,000 kada bulan sang mga nagpakilala nga miyembro sang Al Erhab Group.
