KORONADAL CITY – Nagsaka na sa halos tunga sa milyon nga indibidwal ukon masobra 72 ka libo nga pamilya ang apektado sang dry spell sa bug-os nga Region 12 ukon SOCCKSARGEN.
Ini ang base sa Disaster Response Operations Monitoring and Information Center ukon DROMIC Report sang DSWD 12 subong nga bulan sang Marso.
Suno kay DSWD 12 DROMIC Focal Person Adrian Bunsa, ang mga ini ang halin sa 110 ka mga barangay sa 5 ka banwa sa rehiyon.
Kaangot sini, nagahingyo na sang dugang nga pagkaon kag non-food supply ang DSWD sa ila nga national headquarters bilang preparasyon kun maglala a ang tag-ilinit.
Tinutuyo sini nga gilayon nga makabulig sa apektado nga mga pumuluyo kag mabuhinan ang malain nga epekto sang dry spell.
Nahibaluan nga may mga banwa sa rehiyon nga magluwas sa dry spell problema man ang pagpang-atake sang peste sa ila nga mga pananom.
Samtang, aminado naman ang Office of the Civil Defense (OCD) 12 nga nakabulig ang ula nga tuga sang bagyong Chedeng ilabi na sa mga pananom sang mga mangunguma sa nagkalain-lain nga lugar sa rehiyon.
