KORONADAL CITY- Nakapauli na sa South Cotabato ang iloy sang 16 anyos nga Grade 10 student sang Sto. Niño South Cotabato National High School nga naghikog patay makaligad mabalitaan ang nagluntad sa iya nga bata.
Sa ekslusibo nga interbyu sang Bombo Radyo Koronadal sa iloy sang Grade 10 student nga nagsuicide, indi sini mabaton ang natabo sa iya nga bata nga si alyas Jerome kun sa diin makaligad ang pag utas sa iya nga kabuhi, madamo pa ini sang natukiban nga problema nga ginadala sang iya nga bata.
Dugang pa sini nga bag-o pa man nag suicide, nakapamangkot pa ini sa iloy kun masakit ang mapatay kag kasubong nga wala man ini gana magsulod sa eskwelahan.
Dugang pa sang iloy sini nga may problema ini sa paghigugma kun sa diin nadulaan ini sang paglaum sa iya nga crush kag ginabully man ini sang nobyo sang iya nga crush kun sa diin ginsugo pa ini nga maghikog.
Posible man nga wala na nasarangan pa sang soltero ang kalain sang iya buot kag nahimo sini nga maghikog sa likod sang ila puluy-an.
