KORONADAL CITY- Kumpiyansa ang duha ka mga alkalde halin sa probinsiya sang South Cotabato nga malimpyuhan nila ang ila mga pangalan makaligad malakip ang mga ini sa mga ginasiling nga validated narco-list nga ginsapubliko ni President Rodrigo Duterte.
Sa ekslusibo nga interbyu sang Bombo Radyo Koronadal kay Sto. Niño South Cotabato Mayor Pablo Matinong biktima lang suno pa ini sang pagpamulitika kag nakahanda ang anuman nga mga dokumento nga makapamatuod nga wala siya sang kaangtanan sa iligal nga droga samtang ginatugyan naman sa laye ni Banga, South Cotabato Mayor Albert Palencia ang pagpamatuod nga inosente ini sa mga akusasyon batuk sa iya.
Kaangot sini aminado ang nasambit nga alklade nga pila sa ila mga himata ang ginatawag nga kahuy-anan ang pagkalamita nila sa nasambit nga narcolist.
Samtang suno naman kay PDEA 12 spokesperson Kath Abad indi klaro sa ila kun ano ang motibo sang presidente sa pagsapubliko sang narco-list apang magapatigayon sila sang dugang nga validation.
