Koronadal City Treasurer handa mangin major complainant batok sa KAPA investment scam

KORONADAL CITY- Ginaawhag ni Koronadal City Treasurer Marloun Gumbao ang Kabus Padatuon Ministry International nga ipagwa kag isumiter ang mga dukomento nga makapamatuod nga legal ang ila operasyon.

Sa eskdlusibo nga interbyu sang Bombo Radyo Koronadal kay Treasurer Gumbao, nakatalana nga convene ang Koronadal City Government agod nga istoryhan ang legal nga tikang batok sa KAPA.

Dugang pa sini nga sa oras nga makasumiter sang mga dokumento ang KAPA magapatuman na sila sang operasyon agod nga ipasara ini.

Direkta man sini nga gintawag nga scam ang KAPA kag nagakablaka nga sa oras nga indi pa magsunod sa Cease and Desist Order nga ginpaga sang SEC siya mismo ang magatindog nga major complainant batok sa KAPA ni Joel Apolinario.